Lanfrancus Ticinensis: In omnes epistulas Pauli commentarii, cum glossula interiecta

Pag 138


23. Et erit in loco . Judaei per multas nationes
etiam ante adventum Christi sparsi erant; a quibus
dicebatur saepe gentibus quia plebs Dei non
essent.
24. Si fuerit . Probatio quia vasa misericordiae
ex Judaeis a Deo vocata sunt, fuerit; inusitata translatione
ita reperiatur: Si fuerit populus tuus Israel
quasi arena maris, reliquae convertentur ex eo;
consummatio abbreviata mandavit justitiam; consummationem
enim et abbreviationem Dominus Deus
exercituum faciet in medio omnis terrae.
25. Reliquiae , id est, viles pauci, qui de numero
infidelium impiorum regnabunt.
26. AMBROS. Reliquiae salvae fient . Recedentibus
Judaeis a merito et promissione patrum, hi reliquiae
sunt, qui in fide persistunt.
27. Verbum enim . Quoniam, sublatis omnibus carnalibus
legis observantiis, sola fides est posita ad
salutem.
28. LANFR. Verbum enim . Verbum consummans
vocat dilectionem Dei, et proximi, per quam salvati
sunt plures sine legalibus observationibus.
29. AMBROS. Nisi Dominus sabaoth . Salvatorem
relictum nobis dicit ad suffragium vitae, quem ab
initio Dominus nasci decrevit; quem idcirco semen
dicit, quia per ipsum reparatum est genus
humanum.
30. LANFR. Nobis semen . Semen vocat apostolos
et primitivam Ecclesiam.
31. Offenderunt . Causa cur non pervenerunt in
legem justitiae, et cur non credant hominem justificari
ex fide.
32. Sicut scriptum est , subaudis, in quo fida aemulatio.
Zelo bono nos aemulantur, si nesciunt quid
faciunt, justitiam Dei quae per fidem Christi est.

Torna all'inizio