Lanfrancus Ticinensis: Decreta Lanfranci pro ordine Sancti Benedicti

Pag 17


alias si necesse fuerit. Per maiores monasterii portas introeant, ante
crucifixum stationem faciant. Finito cantu quem inceperant, cantore
statim incipiente antiphonam Cum inducerent canentes chorum intrent,
pulsentur signa et missam celebrent. Post refectionem in claustro sedeant
donec seruitores de refectorio exeant. Qui cum exierint et monasterium
ingressi fuerint, pulsentur duo maiora signa et canatur Nona. Qua
cantata exeat prior et sonet cimbalum et postea uadant in refectorium.
Hanc consuetudinem habeant usque ad Dominicam Palmarum exceptis
ieiuniorum diebus. Hac die inchoandus est psalmus Ad dominum cum
tribularer
, qui pro Uigilia mortuorum dicendus est usque ad kalendas
novembris. Ad Uesperas antiphonam Tecum principium , psalmum Dixit
dominus ; antiphonam Redemptionem , psalmum Confitebor ; antiphonam
Exortum est , psalmum Beatus uir ; antiphonam De fructu , psalmum
Memento . Priuatis diebus post Uesperas agant Uigiliam mortuorum, nisi
in crastino sit festiuitas duodecim lectionum. Post Nocturna usque ad
quintam feriam ante Pascha priuatis diebus dicant solitos duos psalmos
cum precibus et collecta, postea Exsultabunt domino . Dehinc Matutinas
de Omnibus Sanctis, reliqua omnia sicut ante Natiuitatem Domini.

DOMINICA PRIMA SEPTUAGESIMAE


Alleluia ex toto dimittatur; loco Alleluia per singulas horas Laus tibi
domine rex aeternae gloriae
usque ad Pascalis uigiliae Uesperas dicatur.
Hystoria In principio fecit deus canatur; quinque libri Moysi et Iosue et
Iudicum et Ruth ad legendum ponantur dominicis diebus et caeteris
duodecim lectionibus usque ad Pascha. Capitulum ad Primam Domine
miserere nostri
dicatur. Gloria in excelsis deo et Ite missa est usque ad Pascale

Torna all'inizio