2. PRONOMINATIO
Pronominatio est acceptatio grati vocabuli
pro ingrato, vel e contrario, ut: Recordare, Domine patrum
nostrorum, Abraham, Isaac et Iacob ; vel sic: Videte
quid Sillano principi sit agendum ;
et dicitur antonomasia .
3. DENOMINATIO
Denominatio est que trahit orationem a rebus
finitimis et propinquis, ut: Crux liberavit nos a
morte , idest « crucifixus »;
et dicitur metonimia .
4. CIRCUITIO
Circuitio est rei simplicis per quandam circumlocutionem
descriptio, ut si dicam: Christi misericordia
nos salvavit, idest « Christus misericors »;
et dicitur iste color perifrasis .
5. TRANSGRESSIO
Transgressio permutat ordinem naturalem
quandoque in propositione, et tunc vocatur perversio ,
ut: Aures ad nostras ;
quandoque in aliis partibus,. et tunc vocatur transiectio,
ut: Tuam deprecor honestatem ;
et vocatur isteronproteron .
6. SUPERLATIO
Superlatio transgredit veritatem, ut: Tu es
candidior nive vel lucidior sole ;
et dicitur iperbole .
|
|