Bernardus Marango: Annales Pisani

17


A.D. MCLXV. Secunda turris Magnalis conpleta fuit et bene ordinata mense novembris.
A.D. MCLVII. In consulatu Guinithonis, nepotis Sesmondi, a kalendis Aprilis usque
ad kal. Ianuarii, Consules fecerunt civitatis murum iusta Ausarem a ponte et turre Sancte
Marie, que turris est angulus civitatis, usque ad pontem et turrem Sancti Stephani, et muraverunt
unum pontem sub terra et duos super terram; et a via que venit per Burgum usque
ad Ausarem, ubi est porta, usque ad angulum civitatis, qui est prope Sanctum Zenonem,
similiter unum pontem sub terra et duos super terram edificaverunt, in eodem consulatu
Alcherini et Glandulfini, qui fuerunt socii supradicti Guinithonis.
A.D. MCLVIII. Fuit combustio magna Pisis, III kal. Septembris in nocte, ex qua
combustione fuerunt concremate X turres, a domo et via Guidonis quondam Tedicii, usque
ad turres Petri Albithonis et omnes ceciderunt. Unde fuerunt mortui Simone de Parlascio,
Henricus filius Uguicionis de Villano, Vechius Bonacci, qui tunc erat provisor, et Conmovelli,
et alii. Unde Consules, irati et commoti, omnia balatoria iuxta Sarnum iusserunt
destruere.
A.D. MCLVIII. Guilielmus rex Cicilie, a kal. Aprelis usque ad kal. Octubres, magnum
fecit stolum CXL galearum et XXIIII dermonum, qui dermones portaverunt CCCC
milites. Quem stolum rex Guilielmus in mense Iunio misit cum suo amirato, et cum multis
de suis baronibus, super imperatorem Constantinopolitanum; qui stolus pervenit ad Negropo
ubi erat exercitus imperatoris Constantinopolitani, et magnus stolus de mari. Amiratus regis
Guilielmi bellum viriliter incepit in mari et in terra, eosque devicit et superavit; et totum
stolum imperatoris Constantinopolitani retinuit, et civitatem Negropo, pugnando fortiter,
cepit, destruxit et expoliavit, et multam pecuniam inde atracxit; civitatem et stolum maris
incontinenti igne combusit. Mox etiam civitatem Almiro audacter aggressus est, eamque
civitatem et Sanctum Iacobum Pisanorum cum turre cepit et expoliavit, eamque igne incendit.
Postea magnam partem Romanie devastavit et expoliavit; unde Constantinopolim magnum
habuit timorem, et imperator magnum dolorem. Et sic amiratus regis Guilielmi cum toto
exercitu suo, cum magno honore et triumpho et ingenti gloria in mense Septembris reversus
est ad regem Guilielmum in Siciliam.
A.D. MCLVIIII, in quarto consulatu Cocci. Item Pisani Consules muraverunt civitatem

1



5




10




15




20




25



Torna all'inizio