episcopis et magna copia priorum, abbatum, prepositorum
aliorumque clericorum, qui venerant ad synodum seu concilium,
unanimiter confirmaverunt electionem et illam confirmationem,
que in preterito anno Papie iam facta fuerat de
ipso papa Victore.
Fueruntque in ipso concilio recitate littere excusatorie
regis Dacie et regis Norguegie ac regis Ungarie, Boemie
quoque regis ac sex archiepiscoporum et viginti episcoporum
multorumque abbatum tam Claravallensium quam aliarum
congregationum, atque prepositorum. In quibus omnibus
litteris reponebatur: ipsos reges cum universis eorurm provinciis
ac predictos archiepiscopos, abbates et prepositos prefatum
dominum Victorem velle se pro papa et domino tenere
et se velle ratum habere totum hoc, quod dominus Victor statuerit
in ipso concilio cum aliis ibi presentibus.
Fuerunt alii in ipso concilio excommunicati, id est dominus
|
1
5
10
15
|