Richardus Venusinus: De Paulino et Polla

Pag 162


Post illum lapidem iactando conterit urnam,
Qua fuerant olei quinque duoque cadi.
Fracto vase, liquor olei diffunditur, a quo
Fedantur lecti stramina tota sui.
Quo viso, magnam Fulco succensus in iram
Insequitur furem corpore, voce, petris;
Dum sequitur, pedibus lapis eius volvitur unus,
Quo ruit et feda corpora quassat humo.
Auxilium clamare cupit, sed anelitus illi
Defuerat: verba reddere nulla potest.
Unius spatio iacuit quasi mortuus hore,
Nullius adiutus advenientis ope.
Denique de terra multo conamine surgens,
Hospitium repetit veste madente luto.
Ingrediens, panem videt asportare relictum
Ore canem, mappam dilacerasse suem.
Ore nichil Fulco, tacito sed pectore dixit:
"Quam michi dampnosus extitit iste dies!
Quam foret o felix qui posset scire futura!

Torna all'inizio