per singula loca, civitates, et castra jurisdictioni
tuae subdita, te personaliter conferens,
inquisitionem super his facias diligentem,
et quicquid inde inveneris, seriatim culmini
nostro scribas.
Cap. XVI.
Justitiariis Terrae laborum, de colligenda pecunia
pro maritagio filiae suae.
Fidelitatis nostrae cultoribus, quos in ambitu
regni nostri Siciliae in via pacis et securitatis
deducimus, humanitatis majoris
ostendere signa non possumus, quam si cum
ipsis in communitate virium nostram magnificentiam
counimus: et dum ab eis fastigia
nostrae Majestatis differimus, paritatis apud
eos materiam invenimus, ab experientiae fructibus
fide nacta, qui dum in eorum sensibus
nos ad humaniora disponimus, devotiores
ipsos in nostris obsequiis experimur. Et
ideo cum pro maritagio filiae nostrae charissimae,
quam filio N. Marchionis Misnensis decrevimus
copulandam, a fidelibus nostris regnicolis subventionem
placeat exhiberi; fidelitati tuae firmiter
et districte praecipiendo mandamus, quatenus
3. Calend. proximi futuri mensis Aprilis,
cum generalis collectae pecuniam possibiliter
credimus recollectam, medietatem totius generaIis
collectae praedictae, praesenti anno, de
mandato nostro in tua jurisdictione taxatae,