CAP. I.—1. AMBROSIUS. Docet illa bona quae
Christus nobis suo adventu praestitit cum gratiarum
actione. Postea transit ad ethicam exhortationem.
sic inchoans: Obsecro vos, ego vinctus in Domino
( infra . IV).
2. Benedictus Deus . Benedictio quae fit in Deo,
confessio sola est bonorum quae praestita sunt ab eo.
Benedictio quae fit a Deo, in nobis impletur, dum
ejus beneficiis implemur.
3. In coelestibus . Hoc est quam in coelo participabimus;
dicit enim resurrectionem quae per spiritum
nobis aderit, et ne ipsa novitas mentem turbaret;
quoniam non ante tanta donasset, neque
aperte dixisset; quae sint illae spirituales benedictiones,
utrique respondet dicens: Sic elegit nos
ex ipso ante mundi constitutionem esse sanctos
coram eo.
4. AUGUST. In coelestibus . In coelestibus, quasi de
coelestibus. Quia omne datum optimum, et omne
donum perfectum desursum est.
5. LANFR. In coelestibus . Coelestia vocat virtutes,
per quarum observantiam itur ad coelum, in quibus
dicit se habere omnem spiritualem copiam in fide
Christi.
6. In ipso . In ipso, subaudiendum est permansuros;
vel in ipso elegit, quia omnia in sapientia fecit,
quae est Christus.
7. AMBROS. In charitate . Ex hoc magnitudo ostenditur
liberalitatis.
8. Qui praedestinavit . Majus est quod dicit filiorum
|
|