Bernardus Magister: Introductiones prosaici dictaminis

Pag 17


VII.
Domini pape ad imperatorem.
KARISSIMO filio in Christo Cor(rado) illustri Romanorum imperatori semper augusto salutem et apostolicam benedictionem. Qui post terrene dignitatis honorem celestem patriam habere desiderat, expedit ei, ut, dum in hoc mortali corpore uixerit, sacrosanctas ecclesias diligat et ecclesiasticas religiosasque personas debita reuerentia studeant honorare. Uenerabilis frater noster I. Aretinus episcopus se nostro conspectui representans nobis plurimum conquestus est, quod Guido de Mudillano comes sue ecclesie possessiones contra iustitiam auferat, et personam suam turpiter et inhoneste tractare non dubitat. Pro quo celsitudinem tuam plurimum rogando mandamus et exortamur in Domino, quatinus eum pro beati Petri et nostra reuerentia manuteneas et honores ecclesie sue de possessionibus suis nullam molestiam a prefato comite irrogari permittas.
VIII.
Responsiua eiusdem.
Quanto cordis desiderio quantaque mentis alacritate, pie pater, uestras litteras recipere et mandatis uestris obedire debeamus, ille, quem ex eorum diligenti obseruatione fructum consequimur, euidenter ostendit. Nam si mandata uestra obseruare plenarie uoluerimus, uitam eternam ueraciter habere poterimus. Unde siquidem est, quod Ier(onimum) iam de sue ecclesie possessionibus eum aliquam iniuriam sustinere nullatenus permittemus. Preterea, karissime pater, sanctitatem uestram humiliter deprecamur, quatinus eum omnipotentem plurimum exhoretis, ut Romani imperii dignitas de sui status prerogatiua nullatenus minuatur.
IX.

Torna all'inizio