2. Non escis . Datur intelligi quosdam fuisse qui
dogmatizarent peccatum non esse escis et voluptatibus
affluere.
3. Habemus altare . Causa cur escis non sit immoderate
affluendum. Cum sobrietate enim edendum
est corpus Christi; quod et in aliis divinarum locis
Scripturarum altare vocatur, pro eo videlicet quod
in ipso, id est, in fide ipsius, quasi in quodam altari
oblatae preces et operationes nostrae acceptabiles
fiunt Deo.
4. Quorum enim animalium . Per duplicem allegoriam,
unam Veteris, et alteram Novi Testamenti
probat corpus Christi non esse edendum ab his
qui tabernaculo deserviunt. Ad hoc enim corpora
animalium horum extra castra cremabantur; et
propterea Christus extra portam civitatis Jerusalem
|
|