ipsa dicebatur emisisse votum et recepisse habitum
monachalem.
Arduum erat negotium, et prefati magnitudine atque
difficultate itineris differendum. demum licet cum labore non
modico allegaciones et attestaciones utriusque partis audivi.
Quas iuxta mandati vestri tenorem vobis meo sigillo
inpressas transmitto.
De incepcionibus pro simplicibus dictatoribus.
Preterea simplices dictatores hanc incepcionem possunt
facere generalem:
Placuit sanctitati vestre conmittere nobis causam que vertitur —
si non est finita; si vero finita: que vertebatur — inter
tales, positis nominibus litigantium, super facto decimarum,
vel sepulture, vel super facto electionis, et sic de ceteris controuersiis.
et erit illa incepcio pro universis et singulis
generalis.
Vel aliter: Sedis apostolice sanctitas, que ius canonicum
et civile palmo concludit, vel que ligandi et solvendi optinet potestatem,
vel que freno rectitudinis excedentium protervitates compescit,
vel que cuilibet propria iura conservat, vel que urbi et
orbi presidet universo, vel que litigantium controversias rectitudinis
falce precidit, causam que vertebatur inter tales nobis
audiendam conmisit et fine debito terminandam. et erit ista
regula generalis, specificatis nominibus litigantium et
causarum.
5) Titel de sententiis datis.
De illis qui ferunt sententiam in contumaces.
Cum inter episcopum vicentinum ex una parte et
eiusdem ecclesie prepositum et capitulum ex alia de quibusdam
prediis et decimis controversia verteretur, mihi
summus pontifex causam ipsam absque appellacionis remedio
audiendam conmisit et fine canonico terminandam.
Cum autem utramque partem prout ordo canonicus
postulat convocassem, pars episcopi non venit, nec responsalem
transmisit. iterato quidem eidem episcopo terminum
XV dierum prefixi. ad quem venit, et dedit caucionem
iudicio sisti. postmodum vero bis et ter et uno
|
|