comunis. Et hoc intelligitur de statutis ad dictam partitam pertinentibus.
/*
LXXIV. – DE CREDENTIA NON FACIENDA.
Item statuerunt quod partitor nec alia aliqua persona non
possit nec debeat convocare comunem nec victurales ad consilium
neque credentiam absque licentia consulum dictae vallis.
Et qui contrafecerit det et solvat dicto comuni pro poena
et bano soldos decem imperiales pro qualibet persona et vice.
LXXV. – DE BALLIS PORTANDIS CUM LICENTIA ET PRO SOLUTIONE.
Item statuerunt et ordinaverunt quod aliquis victuralium
vallis Diverii vel aliunde non debeat portare ballas aliquas
quae vadant pro pondere et partita absque licentia consulum
et credentiae dictae vallis vel de licentia illius qui ibi erit constitutus
pro dicto comuni. Et quod quilibet victuralis teneatur
et debeat ullam ballam portare seu mercantiam pro solvitione
recepta a dictis consulibus et credentiariis vel ab illo qui ibi
constitutus est pro dicto comuni prout consuetum est. Et hoc
sub poena danda dicto comuni soldorum LX imperialium.
LXXVI. – DE MENSURIS.
Item statuerunt quod non sit aliqua persona quae vendere
debeat vinum ad aliquam mensuram quae non sit adaequata
ad pila dicti comunis et signata signo rectoris curiae matarellae.
Quae mensura sit aequalis mensurae burgi Domi. Et quod
omnis persona teneatur bene mensurare et adequare et adequari
et signari facere ut supra semel in anno vel terminum statuendum
seu statutum per Credentiam dictae vallis. Et qui contrafecerit
det et solvat dicto comuni pro poena et bano soldos
duo pro qualibet persona et pro qualibet vice. Et quilibet fide
dignus possit accusare.
LXXVII. – DE LETAMIIS ET LABORIBUS FACIENDIS.
Item statuerunt quod quilibet persona dictae vallis Diverii
teneatur et debeat ire ad laetamas et ad labores dicti comunis
et ad omnia alia necessaria et opportuna dicto comuni toties
quoties ordinatum fuerit per consules et credentiarios dictae
vallis Diverii. Et hoc sub illa poena quae preconizata fuerit secundum
quod ordinatum fuerit per consules et credentiarios
praedictos. Quae poena sit dicti comunis.
|