6. Premissis igitur pro Vualperto legatis pacem implorat.
Quam cum non inpetraret direxit Litulfum cum exercitu
suum ex coniuge altera filium. Oderant autem conpatriote
regem Berengarium propter nimiam uxoris tenaciam, que
Vuilla dicebatur, et suam ex parte seviciam. Ideoque destitutus
a suis properanti hosti minime valuit congredi, set
ingressus quodam inexpugnabile municipium resedit
invalidus. Cum vero exploraret universa Litulfus, quidam
familiares Berengarii milites fidem debitam simulantes promissa
securitate foras eductum hostium manibus tradiderunt.
Revera inimici hominis domestici eius . Intuitus autem
eum Litulfus ait: "Consule tibi rex, et humiliare magno Ottoni
augusto. Si non feceris, ipsum te ledis". Cumque humiliter
responderet, rursus infit: "Absit a fide mea, ut vincam
perfidia, qui viribus superare contendo. Cave rex amodo ab
huiusmodi pseudomilitibus". Sic fatus absolvit eum, deinceps
strenue cuncta ministrans. O pia hostilitas et hostilis
|
|