duximus et monendam, districte
mandantes: quatenus coram vobis partibus,
et qui de jure fuerint evocandi, legitime convocatis,
causam audiatis, eandem ipsam terminaturi
celeriter, prout postulat ordo juris:
ne pro defectu justitiae, alteri partium justa sit
de vobis materia conquerendi.
Cap. CXXII.
Responsalis in brevi forma.
Benigne receptis literis, quas nuper tua devotio
nostro culmini destinavit, super
omnibus et singulis quae ipsarum tenor
explicuit, per V. de Marchia, dilectum fidelem
nostrum, quem dudum ad partes ipsas
transmisimus, beneplacitum nostrum plene
tibi recolimus direxisse. Etc.
Cap. CXXIII.
Item de eodem, et significat se iturum ad partes
illas.
Diligenter audivimus singula, quae literarum
tuarum, magistro Petro de Vineis directarum,
tenor expressit. Noveris itaque
beneplaciti nostri esse, ut cum simus in
firmo proposito veniendi Cremonam in brevi,
captivus ille, quem eisdem tuis literis nominasti,
ibidem coram nostra praesentia debeat
comparere.