feriens, singulariter utriusque animam vulneravit, dum in altero pueriles
annos filii nimis intempestiva falce presecuit, et in reliquo genialis thori
coniugium irreparabili laceratione dissolvit. Certa data cuilibet occasione
dolendi, ut et pater habeat de filii amissione quod lugeat, et maritus in
carnis uxorie decisione quod ploret vel habeat alter fratrum promiscuis
actibus de perdito nepote quod doleat, et alter de mortua cognata quod
gemat. Sic igitur vobis dolore depressis affectuose compatimur et, si casus
huiusmodi humano posset reparari suffragio, libenter reparationis oportune
remedia mitteremus, sed cum restaurationis extrinsece respuat
medicinam, consolationis vobis porrigimus lenimenta, mandantes, quatenus
in vobis exinde materia precipue confortationis assumpta paterni
iacturam vulneris grata natorum superstitum possessio mitiget et in
maritalis sollicitudine lateris spem fortis animi bonique consilii fiduciose
componat.
|
|