Reatina molendinum Ianaticum quod est de Cantaro. et curtem
Sanctę Agathę. et res in Frigie, et Baschę, et Lacum Maiorem.
et petiam vineę iuxta portam Romanam. hęc omnia
restituit in hoc monasterio et Guidoni abbati. item, Postmontem
ubi dicitur Maternus donatę sunt quędam res in hoc
monasterio et in ęcclesia Sancti Martini super Acutianum.
et alia res ibidem venundata fuit in suprascripta ęcclesia Sancti
Martini prętio solidorum .XII. in Capitiniano quasdam
res cum quarta parte de ęcclesia Sanctę Columbe contulit in hoc
monasterio quidam Adelbertus. in Puzalia vero collatę sunt
quędam res huic monasterio iuxta Sanctam Agnen. et unum
sedium de molendinis iuxta molinum Todici. et ibidem
alias res modiorum .XVII. pro solidis .LX.
Benedictus episcopus servus servorum Dei. dilecto in Dominio filio
Guidoni [religioso pręsbitero et monacho atque] coangelico abbati venerabilis
monasterii [Sanctę et superexaltatę Dei genitricis semperque virginis Marię
dominę nostrę] quod dicitur in Pharpha de loco Acutiano [sito] tuisque successoribus
in perpetuum. [cum magna nobis sollicitudine insistat cura pro
universis Dei ęcclesiis ac piis locis vigilandum, ne aliquam necessitatis iacturam
sustineant, sed magis proprię utilitatis stipendia consequantur, ideo
convenit nos pastorali tota mentis aviditate eorundem venerabilium locorum
maximę stabilitatis integritatem procurare et sedule eorum utilitatum subsidia
illic conferre, ut Deo nostro omnipotenti, id quod pro eius sancti nominis
honore etiam et laude atque gloria eius divinę maiestatis eiusque venerabilibus
nos certum est contulisse locis, sitque acceptabile nobis et ad eius locupletissimam
misericordiam dignum et huiusmodi pii operis in sidereis conferatur
arcibus remuneratio.] igitur quia petistis a nobis quatinus ex nostra
largitate nostroque dono concederemus vestrę religiositati in fundo Massa:
|
|