quicquid melius potest excogitari.»
61 Uxor sic salutat virum suum: premittit nomen sui viri, quecumque
sit si etiam nobilior eo esset, quia gloria et corona mulieris
maritus est:
«Nobili viro B., M. eius fidelissima uxor salutem et
quicquid melius potest»; vel: «salutem in omni genere
subiectionis» ; vel: «salutem et fidele obsequium.»
62 Amicus sic salutat amasiam suam:
«Dilectissime amasie sue, occulorum lumini, sue anime
dimidio, domine M., forma et morum elegantia decorate,
S. suus famulus salutem et quicquid in orbe potest pulcrius
inveniri»; vel sic: «Dulcissime amasie sue B. venustatis
gloria redimite, M. suus per omnia famulus et fidelis
salutem et quicquid potest dulcius inveniri»; vel: «salutem
et quicquid in orbe melius.»
63 Si vero sit talis mulier propter quam possint inimicitie oriri, non
scribas nomen amice ne forte carta perveniat ad manus alicuius
emuli, et sic amor cecus vertatur in odium mortale, sed scribe
aliquod signum ... loco proprii nominis, sicut memini me iam
fecisse quod si non fecissem quidam meus socius mortis periculum
incurrisset.
Vidimus salutationes quas unusquisque vir cuiuscumque sit
condictionis vel ordinis alteri mittere potest.
64 Nunc videamus salutationes quas unaquaque mulier alteri
mittere potest. Quia igitur mulieres multum appetunt laudes et
nulla est adeo turpis que non affectet laudari, ideo superlativis
utaris, et ad ipsas commendationes multum insistas.
65 Imperatrix sic salutat reginam Anglie:
«Pretiosissime domine M. Dei gratia regine Anglie, C.
eadem gratia Romanorum imperatrix et semper augusta
|
|