Salimbene de Adam: Cronica

Pag 706


Parme venit ad dictam obsidionem. Et commune Regii duxit
tres trabuchos, et illi de Parma tres trabucchos. Et commune de
Mantua misit in dictam obsidionem in servitium communis Regii
XXV balestarios. Et commune de Castigiono de Tuscia misit eodem
modo balestarios in servitium communis Regii ad dictam obsidionem.
Et steterunt ibi dicti quarterii de Castello et de Sancto
Nazario per XVII dies. Et postea iverunt milites et pedites de
quarteriis Sancti Petri et Sancti Laurentii ad dictam obsidionem
et steterunt ibi per XXIII dies. Et postea redierunt illi quarterii
de Castello et de Sancto Nazario et steterunt ibi per XXIIII
dies. Et iterum redierunt illi de Sancto Petro et de Sancto Nazario
et steterunt per XI dies, et habuerunt dictum castrum et terram
de Corvaria pro Concordia, destruendo et diruendo dictum castrum
et terram ad voluntatem communis Regii. Et illi qui erant
intus castrum fuerunt affidhati in personis et rebus et remanserunt
in bannis et condemnationibus communis Regii. Et dictum
castrum et terram habuit commune Regii die Sabbati XIX° Septembris.
Et dominus Iacobinus de Palude habuit pro dicta terra
reddenda quadringentas libras imperialium.
Quod Bononienses duxerunt exercitum super episcopatum Mutine et obsederunt
Savignanum et Montem Umbrarum et destruxerunt eos.

Eodem anno, in mense Augusti, venerunt Bononienses in exercitum
super episcopatum Mutine et obsederunt Savignanum et
Montem Umbrarum et habuerunt eos et diruerunt, propter pactum
quod erat inter commune Bononie et Mutine, scilicet quod non
debebant Mutinenses tenere aliquod castrum ultra aquam Scotenne;
et ideo ista duo castra destruxerunt et diruerunt, quia
pestillente flagellato sapientior erit parvulus, ut habetur Prover. ***.
Item pro istis sex mensibus vendebatur sextarius frumenti
VIII solidos imperialium et plus, et sextarius spelte XII grossos,
et sextarius milice XIII grossos. Et libra grossa de carnibus
porcinis XIIII et XV et XVI et XVII et XVIII imperialium.
Et libra grossa olei olive duos solidos imperialium. Et

Torna all'inizio