iniuriam fieri] reputemus: utpote cum
Papa se prius inimicum capitalem, non
judicem nostrum, et opere fuerit professus et
verbo, rebelles et hostes Imperii publice confovendo:
indignum praeterea tanti cohertione
principis, et qualibet pontificalis officii dignitate
seu authoritate se reddidit, dum Mediolanensium
civitatem, quae pro maxima parte
testimonio religiosorum, et quamplurimum
fide dignorum inhabitatur
haereticis, contra nos et Imperium manifesto
favore tuetur: et R. de civitate
Mediolanensium potestatem delatione Episcopi
Florentini, viri vitae probabilis, et famae probatae,
in plerisque Capitulis super haeretica
pravitate convictum, ob odium nostrum,
et Mediolanensium gratiam non admisit.
Illum praeterea Christi vicarium habere,
et Petri successorem ac dispensatorem animarum
fidelium, indignum fatemur, non ob
dignitatis iniuriam, sed ob personae defectum,
qui dispensationes cum fratrum deliberatione
magna faciendas, in camera sua, more
mercatoris cujuslibet, in libra mercationis appendit,
celatis fratrum consiliis, cum
quibus secundum Ecclesiasticam disciplinam
deliberare tenetur, existens ipse bullator et
scriptor, et forsitan numerator. De quibus