Rodilandum spatam unam. Quę omnia facta sunt prope
urbem Romam iuxta pusterulam ad Pertusum, intus tentorium
domni Henrici regis, pręsentia Saxonis quondam Rainerii, Girardi
quondam Gregorii, et archiępiscopi Bremensis, et ępiscopi Novariensis,
et ępiscopi Aureliensis, et Tertonensis, et reliquorum bonorum
virorum.
Item, Baro ferrarius filius Boni commutavit huic monasterio
quasdam res in Acquiniano territorii Sabinensis. item, Necto
filius Morini concessit huic monasterio res suas in Arnaria modiorum
.VI. territorii Sabinensis. item, Benedictus pręsbyter
et Iohannes filii Iohannis, et Rusticus fiiius Azonis concesserunt
huic monasterio et commutaverunt res suas in Atriano, quod vocatur
Urbana, territorii Sabinensis. item, Teudinus filius Beraldi
concessit huic monasterio et domno Berardo abbati res suas
et castella sive podia in comitatu Reatino, et castaldatu Interocrino,
scilicet castellum Lunianum, Aspram, podium Sancti Maximi,
Canatrem, Sanctum Herasmum, quartam partem Ianulę, et quartam
partem de rocca Fundi; quarum fines sunt: flumen Mellinum
pergens in Arrianum, et in Vallem Tinam, et in macclam de
Verzano, et per cacumen montis Burguli, a secundo latere terra
Sancti Quirici et vadit in montem Cinnum, a tertio latere Cornu
Iosep, a quarto latere Rasinum, et venientes in roccam Sintariscam,
et in flumen Mellinum, quod est primum latus; et monasterium
Sanctę Crucis cum reliquis ęcclesiis. item, Teudinus comes
|
|