sibi sic inopinatus casus exhibuit, comitatus,
civitatem eandem tanquam repente de coelo sonus
impulit, et in nostro nomine fugatis protinus
Marchione praedicto, et proditoribus
universis, et fere ducentis ex ipsis nostro carceri
mancipatis, civitatem eandem nostro dominio
integravit. Et vix decendium fluxerat
de praedictis, quod cum Ferrarienses
fideles nostri, apud Ravennam de mandato
nostro hactenus commorantes, pro conservando
ponte in flumine Padi, quo proditoribus
nostris Parmensibus via omnis succursus,
et spes munitionis obstruitur, de mandato
nostro vocati ad Buccam Tallate
[quam Mantuani rebelles nostri cum Parmensibus
insimul ad impediendum eorundem
fidelium nostrorum Ferrariensium transitum
palongatam invenerunt] pervenissent: H.
illustri Rege Sardiniae dilecto filio nostro
existente in ripa Padi ad eorum auxilium, cum
multitudine armatorum immissis securibus eadem
palongata succisa, flumen Padi cum
eorum navigiis viriliter intraverunt, et proditoribus
nostris Mantuanis qui flumen Padi primitus
occuparant tenui bello quassatis, quinquaginta
de eorum navibus acceperunt, et
praeter necatos in flumine ac gladio interemptos,
trecentos ex hostibus praedicto filio
nostro assignarunt, quos in proditorum nostrorum