societate. penam vero insuper periurii composuit librarum
quinquaginta argenti, filiumque suum per sacramentum fidelitatis
manibus commendavit domni abbatis. sed non multo post,
iterum a fratre suo Oddone seductus, in periurium incedit, et a
domno abbate discessit, et quęque contra eum potuit damna operare
studuit. namque post hęc maiorem exercitum Oddo molitus
est colligere, ut cuncta bona Sanctę Marię invaderet et deprędaret,
suumque de captione filium per vim eximere valeret;
cum quo etiam Octavianus Sanctę Marię sepe periurus ven t armata
manu. tunc quidam fideles se intermiserunt, et obsides
et pignera ab utrisque acceperunt, et in manus Romanorum Petri
Leonis et Tebaldi Cencii dederunt, ut in eorum curia legaliter
ipsa intentio iudicarctur et iuste finiretur. venit itaque tempus
et adiit domnus abbas Romam cum omni iusta defensione pręparatus.
altercantibus vero causidicis utriusque partis in placito
apud Sanctum Nycolaum dc Carcere, ventum est ad sacramentum
calumnię quod per se facere Oddo rennuebat, dicens, sibi
cum obsides et pignera darentur per pactum fuisse remissum et
concessum, ut per appositam personam ipsum faceret sacramentum.
quod quamvis non legaliter omnibus pateret sic fuisse
concessum, lege prohibente, tamen ceu coactus suscepit domnus
abbas per appositam personam ipsum sacramentum, set tamen
non secundum legem factum, quia nec qualitatem rei, nec qualitatem
iuris, nec vere tempora possessionis assignavit. Octavianus
autem cum se pręsentasset ut sacramentum faceret calumnię
innotuit ei et ad memoriam reduxit Gentilis comes coram
omnibus qualiter olim domnum Beraldum abbatem et monasterium
Sanctę Marię per sacramentum firmavit acquisita et acquirenda
in toto territorio Sabinensi, sicut supra relatum est, ideoque
non deberet temere et scienter in periurium currere, quia se
vidente et audiente hoc fecerat, et ipse legaliter defendens testificabatur.
deinde Petrus Leonis hoc audiens suggerendo cohibuit.
quapropter substitit et minime iuravit. tunc quidam iudex
ipsius partis sine qualitate vel certa quantitate et indiffinite sententiam
|
|