detinet quod sit omnibus datum.
6. LANFR. Qui autem administrat . Id est, qui dat
vobis unde eleemosynam faciatis, dabit unde post
datam eleemosynam vos sustentare possitis. Nec
propter hoc tamen remanebit, quando quidem semen
multiplicet et fruges crescere faciat.
7. AMBROS. Et multiplicabit . Danti addit, ut eo
amplius habeat unde largiri.
8. LANFR. Non solum supplet ea. Quatuor dicit
fieri per administrationem hujus officii, id est, beneficii.
Sanctis enim qui sunt Hierosolymis necessaria
exinde ministrantur, et per multos alios, probantes
hoc ministerium, gratiae Deo referantur; et multi,
exemplo Corinthiorum provocati, et illis sanctis qui
sunt Hierosolymis et multis aliis plurima largiuntur,
ut et ipsos Corinthios videant, propter eminentem
gratiam, quam habent, sedulo eos deprecantur.
9. In obedientiam , id est, quia dum Evangelium
Christi vobis praedicaret, statim obedientes fuistis
ad confitendum Christum.
|
|