Guido Faba: Ars dictaminis

322


«G. archipresbiter talis loci dilecto fratri suo A. cappellano
talis loci salutem et omne bonum». Cappellani sic se salutant
ad invicem: «Dilecto et precordiali amico» sive «fratri V. talis
loci cappellano, M. cappellanus talis ecclesie cum omni eternali
dilectione salutem».
LII.
De iudicibus delegatis.
Si iudex fuerit delegatus domini pape, maior est quocumque,
ut diximus; et ita, cuicumque scriberet, posset premittere
nomen suum, dicendo; «I. Dei gratia Parmensis episcopus
a sede apostolica delegatus venerabili in Christo fratri patriarche
Gradensi» vel «archiepiscopo Mediolanensi» vel
«illustri et glorioso viro regi Anglicano salutem in Domino».
Si alterius prelati vel principis delegatus vel vicarius
fuerit, maior est omnibus qui sunt iurisdictionis ipsius;
et ista veritatis ratione posset preponere nomen suum, ut
dictum est.
LIII.
De consideratione delegati.
Quicquid autem possit facere delegatus, ne superbire videatur,
humilitatis sectetur magistrum, qualitatem sue persone
inspiciat et officii consideret dignitatem; et scribat maioribus
et minoribus secundum regulam prelatis superius assignatam
sic plane, sic suaviter et humiliter ac prudenter,
quasi non esset in legatione huiusmodi constitutus.
LIV.
De dominis cardinalibus et titulis eorumdem.
Cardinalium sedis apostolice alii sunt presbiteri, alii diaconi.
Item presbiterorum alii sunt episcopi, alii simpliciter

Torna all'inizio