aliter cibus comedendo. Deus autem omnia in omnibus
dicitur, ut nemo eorum qui ei cohaerent amet
adversus eum suam propriam voluntatem, manifestumque
sit omnibus quod idem Apostolus alio
loco dicit: Quid autem habes quod non accepisti?
14. AUGUST. (lib. I De Trin. , cap. 9 et 10 tom. III).
Cum tradiderit . Ita dictum est, cum tradiderit regnum
Deo et Patri, ac si diceretur: Tradet regnum
Patri, Dominus Jesus Christus, non se inde separato,
nec Patre, nec Spiritu sancto, quoniam perducere
credentes ad contemplationem Dei, qui digni
habebuntur, perduci ad fidem, ad spem, id est, ad
ipsam visionem qua perducens ductus est, regnum
tradere Deo et Patri.
15. AMBROS. Cum tradiderit . Nemo dubitet filium
regnaturum semper cum Patre, hoc est enim regnum
tradere Deo et Patri, ostendere ipsum esse ex
quo omnis paternitas in coelo et in terra
nominatur.
16. LANFR. Cum tradiderit . Tradet Christus regnum,
id est, in quos ipse regnavit, Deo in fine saeculi
cum ostenderit Ecclesiam, sua et servorum
suorum praedicatione ad Deum conversam.
17. AUGUST. ( ibid. , c. 8). Cum evacuaverit , id est, ut
[ al. , non] sit non necessaria dispensatio similitudinum
per angelicos principatus.
18. LANFR. Cum evacuaverit . Vel evacuabit Christus
in fine saeculi omnem daemonum principatum
et potestatem, quia ultra non habebunt potestatem
tentandi, et in tentationem inducendi servos Dei.
19. Donec ponat omnes . Ponet Christus omnes
inimicos suos, ante diem judicii sub pedibus suis,
quia alios ad fidem convertet, alios inferni claustris
tradet, non ultra sibi, vel servis contradicturos.
Regnabit autem et postea, sed de hoc tempore ambiguum
esse poterat.
20. Novissime autem . In novissimo die destruetur
mors, quia nec homines ultra peccabunt, nec ulla
corpora ultra morientur.
21. AUGUST. (lib. LXXXIII. Quaest. quaest. 69). Tunc
ipse Filius . Manifestum est ergo hoc secundum susceptionem
hominis dictum ( ib. , paulo infra). Cum autem
ei omnia subjecta fuerint, tunc et ipse Filius
subjectus erit ei, qui sibi subjecit omnia, non quasi
modo non ita sit, sed manifestum erit.
22. AUGUST. (lib. XXII De civit. Dei , c. 30, t. V.)
Ut sit Deus omnia . Quid enim aliud per prophetam
|
|