mundi huius divitiis, tota deliberatione se dedit. <I>Vendidit</I> cuncta
<I>quae habuit</I>, lucratam pecuniam cuidam presbytero pauperi obtulit,
quam, timore parentum illo recipere formidante, coram ipso incunctanter
proiciens, tamquam pulverem vilipendit. Ligatur proinde a
carnali patre, includitur, caeditur, vinculatur, sed salutem corporis
pro nomine Salvatoris contemnit.
<B>3</B> Spernitur a civibus, luto, saxis impetitur, sed animum figens
in Deum, surdum his omnibus se reddit. Die quadam, cum in Evangelio
audiret quae locutus est Dominus discipulis suis missis ad praedicandum,
statim ad universa servanda tota virtute assurgit. Solvit
calceamenta de pedibus, tunica una sed vili induitur et pro corrigia
immutavit funiculum; reliqua vero summa cum diligentia, quoad
vixit, ad litteram implere curavit. Relinquit patriam, mundo mortuus,
intrepidus ambulat. Tempore nivis capitur a latronibus et nudus ab
eis in nivem proicitur. Declinat ad quoddam coenobium, sed ibidem
spretus, vacuus recedit, nudus abscedit. Interea plus ac magis se
sibi vilescens, transfert se ad leprosos, et quos ante valde despexerat,
|
|