Petrus de Vinea: Epistole stravaganti e altri componimenti

Pag 343


salutis tempore quam repentinis casibus subjacere. Audivi
verumtamen, ut egregii marchionis Lanceae missae litterae
Cesari testabantur expresse, quod in facto Novariae
servicium fructuosum satis et efficax per te imperiali culmini
sit collatum. Propter quod cum in praesentia ejus
favorabiliter non immerito videaris, nollem quod per
absentationem tui in hac parte tibi afferretur aliquod
nocumentum. Nam si Papiae nequiverit fieri vel Vercellis
vel alibi ubi se major habilitas dederit, praesentibus ambobus
in curia id poterimus, concedente Domino, salubriter
adimplere. Incolumis existas et alacer, sciturus
me per Dei gratiam restitutum integrae sanitati, licet
debilitas quae remansit provida refectione corporis egere
videatur ad tempus.
n. 44
Ad abolendam malorum nequitiam repertus est rigor
justiciae, per quem simplicitati consulitur innocentum et
nocentum fraudibus obviatur. In medio residet judicialis
auctoritas ut quos amor justiciae a malo non revocat,
coherceat severitas disciplinae. Amicus est ille judex justiciae
qui sic in uno punit excessus, cum per impunitatis
speciem non aperit viam excessibus nec culpam extendi
patitur in exemplum, immo per supplicii similitudinem
interdicit caeteris aditum delinquendi. Si poenam meretur

Torna all'inizio