tamen se defendentes fugere ac intus se recipientes obsistere.
At Mediolanenses circa ipsum castrum venientes per tres dies
eum obsiderunt. Tandem, quia in ipso loco Papienses rerum
comedendarum maximam habebant inopiam, fedus cum Mediolanensibus
inierunt, quamvis ipsi Mediolanenses inique postea
in ipso federe versati sunt. Hoc autem contigit anno millesimo
centesimo quinquagesimo septimo mense Iunii indictione quinta.
Mediolanenses igitur, cum omnia prospera tunc eis accidebant,
et ipsi magis ac magis super Laudenses opprimendos
exardebant, idcirco maxime quia eos in personis et rebus
augere cernebant. Inter cetera denique alia terribilia mala,
que Mediolanenses sepe ac sepius Laudensibus intulerunt,
unum tam pessimum atque orribile super eos induxerunt,
quod nullum tam nefarium ac detestabile inter christianos
amplius factum fore a seculo nusquam est auditum. Preceperunt
namque ipsi Mediolanenses publice in ipsorum concione,
quod nullus scilicet Laudensium hominum deinceps
terram suam propriam — et quam pater ac etiam eorum avus
emerat et ipsis dimiserat et per sexaginta annos et etiam ultra
quiete possederant, in qua nullam rationem nullumque ius
se habere dicebant — sine consilio et parabola Mediolanensium
|
1
5
10
15
20
|