LXIX. – QUOD PEDAGIARIUS POSSIT DARE SACRAMENTUM
CONDUCENTI SOMAS.
Item statuerunt quod pedagiarius dictae vallis possit et valeat
dare sacramentum cuilibet conducenti somas per dictam
vallem quod non commisit dolum neque fraudem in praedictis
in praeiudicium ipsius pedagiarii sive dicti comunis.
LXX. – DE TALPIS CAPIENDIS.
Item statuerunt quod quilibet persona quae consignaverit
canepario dicti comunis unam talpam vel plures lucretur a
dicto comuni imperiales tres pro qualibet talpa. Et quod dictus
caneparius teneatur incidere alio unam tibiam pro qualibet
talpa, ne una talpa pluries consignaverit. Et hoc intelligatur de
talpis captis sub territorio dicti comunis.
LXXI. – QUID SOLVATUR PEDAGIARIO PRO QUALIBET BESTIA.
Item statuerunt quod quilibet persona ducens bestias a partibus
valexii teneatur et debeat solvere infrascriptas denariorum
quantitates pro infrascriptis bestiis, videlicet pro quolibet
equo sive equa imperiales sex: pro qualibet bestia bovina, exceptis
lactantibus, imperiales quattuor: pro qualibet bestia minuta
imperiales I. Pro quolibet porco imperiales duo. Et quod
quaelibet persona portans aliquam mercantiam ad dorsum suum
solvat pro omni pondere dictae mercantiae imperiales tres.
LXXII. – DE TRANSEUNTIBUS SINE SOLUTIONE ET PEDAGIO.
Item statuerunt et ordinaverunt quod quilibet persona quae
non solverit suprascriptum pedagium suprascripto comuni ordinatum,
prout supra dictum est seu in manibus illius qui constitutus
est pro dicto comuni, amittat ipsas mercantias quas
ipse duxerit et pro quibus mercantiis non solverit suprascripto
comuni dictum pedagium. Quarum amissarum tertia pars sit
rectoris Curiae materelle, tertia pars sit supradicti comunis, et
tertia pars collectoris ipsius pedagii.
LXXIII. – DE STATUTIS LEGENDIS VICTURALIBUS.
Item statuerunt et ordinaverunt quod quilibet partitor teneatur
et debeat in initio sui officii infra octo dies tunc proximos
legere vel legi facere in pubblica vicinantia victuralibus
omnia et singola praedicta statuta. Et hoc sub poena est bano
soldo viginti imper. pro quolibet partitore. Quae poena sit dicti
|
|