usque ad viam que est antiqua, cum ipsa piscina, et quomodo
decernit ipsa via terras et vualdum, et terram que dicitur de
Tortora, et terras aliorum hominum, qui ibi affines sunt, et sicut
intipit super ipsam piscinam, et qualiter revolvit circa ipsam terram
de eodem vualdo, et iam dictam terram, que dicitur de Tortora,
et vadit ad ipsum Pantanum, et qualiter exit super ipsum Pantanum
et silvam et paludem, usque in ipsurn Frigidum, a quarta
autem parte usque in iam dictum Frigidum et predictum Laneum,
cum omnibus introhabentibus subter vel super, que dici vel nominari
possunt). Ut autem hec omnia, que supra diximus, sub
iure huius sacri monasterii et vestra vestrorumque successorum
potestate perpetuis maneant temporibus, neque aliquam ab aliqua
persona sustineat questionem, firmiter statuimus et confirmamus.
Post roboratum igitur et confirmatum sue donacionis preceptum
ipse iamdictus gloriosus dux graciarum Domino referens acciones
sanctorum patrum et omnium fratrum nimium nimiumque cum
suis omniibus se commendans oracionibus, gaudens et exultans Beneventum
reversus est. in tantum autem omnipotens Deus illos
magnificavit, ut undique fama illorum sanctitatis excrescens per-veniret
ad aures piissimi imperatoris Caroli, scilicet qualiter patriam,
parentes et mundi gloriam relinquentes, locum hunc pro
Dei omnipotentis amore pecierunt et quomodo pro multarum salute
animarum hoc cenobium edificare ceperunt. sed imperator scire
cercius cupiens utrum hec illorum fama vera esset, utpote qui bellorum
triumphis gloriosus et divine religionis ferventissimus executor,
Christi quoque servis his temporibus amicissimus erat adiutor,
apocrisarium suum sibi admodum karissimum illuc dirigere curavit,
quem cuncta sagaciter perscrutari precepit et sibi ocius veritatem
assercionis deferre. veniens ergo prefatus apocrisarius in monasterio
|
|