2. Qualiter scribitur solum rectoribus
Ingenuis et potentibus viris, vel honorabilibus multa probitate probatis
domino .F. potestati Verone et domino .A. eius iudici et assessori;
vel sic: Viro nobili et prudenti domino .E. vicario excelsi
et magnifici viri domini .A. de Sartinellis, honorati potestatis civitatis
Florentine talis salutem et sui regiminis exitum cum honore, vel
salutem et prospera obtinere pro libito.
3. Qualiter iudicibus scribitur
Iudicibus autem, sive actu officiales fuerint sive non, conveniunt
ista adiectiva: .S. prudenti, sapienti, eloquenti, facundo, provido viro
domino tali iudici simpliciter, vel iudici in tali civitate, vel castro tali,
salutem et semper sub statera iusticie sentencias promulgare, vel salutem et
ad iuris rectitudinem animum semper pronum.
4. Qualiter notario
Discreto viro, vel probo viro, vel honorato viro, vel multe legalitatis
et fidei virtute dotato magistro .B. notario vicedomini Venetorum
in Aquilegia Steph. salutem et honorem et fructum consequi de labore.
5. Qualiter scribitur ceteris officialibus
Viris prudentibus et discretis dominis, vicedominis maris, vel
camerariis Clugie; vel sic: Honorabilibus viris dominis s iudicibus de proprio,
vel dominis de nocte .B. salutem et statum vestrum in prosperitate
prolixum. Veneti tamen, nullo iuris ordine servato, omnibus suis talibus
officialibus indifferenter dicunt: Nobilibus et sapientibus viris,
quod quidem nisi diceretur eis, valde moleste ferrent, quamquam dicere
hoc male consonat idiotis.
Capitulum VIII
DE SALUTACIONIBUS AD IURISTAS, MEDICOS, MAGISTROS
GRAMMATICE RETHORICE, DIALECTICE, ET STUDENTES
1. Et primo qualiter scribitur iuristis
Sapientissimo viro domino Iohanni in iure canonico vel civili altissime
predotato scienciis, vel domino .F. in iure canonico lucidato pre
ceteris, vel domino tali utriusque iuris domino legum; vel sic: Plurime
sapiencie insignito viro domino .F. Iegum vel sacrorum canonum
|
|