mari prohiceret festinanter. Tunc, ipso osse sic in mari proiecto,
statim nobis ventus ita bonus et prosper effectus est, quod
nunquam nobis defecit, donec nos fuimus ad portum ad quem
meritis istorum fratrum devenimus cum salute.
24. Cum autem illic in Polumbum fuerimus nos ad portum,
aliam navim nomine Çocum nos ascendimus, ut iam dictum
est, ut in Indiam superiorem nos irremus ad quamdam civitatem
Çaitum, in qua sunt duo loca nostrorum fratrum, ut
ibi istas sanctas reliquias poneremus. Nunc autem in ista
navi erant bene septingenti inter alios homines et mercatores.
Nunc ydolatre hanc consuetudinem in se habent: nam antequam
ipsi applicent ad portum per totam navem inquirunt ut
videant quid in ea est, si ibi ossa mortuorum essent. Que si
ipsi reperirent illa, in mari proicerent statim; et habentibus
illa, mortis periculum magnumt immineret. Cum autem sic
inquirerent, licet in magna fuerint quantitate, nunquam in
aliquo tamen invenire potuerunt.
25. Sic autem dante Deo illa ad loca nostrorum fratrum
tullimus diligenter, ubi cum honore et maxima reverencia
fuerunt posita condecenter. Et sic multa alia operatur omnipotens
|
|