10. Iam enim successerat Gotefredo Landulfus
archiepiscopus, qui propter nimiam patris ac fratrum
insolentiam gravem populi perpessus est invidentiam.
Instabant enim pre solito civitatis abuti dominio. Unde
cives indignati una sese coniuratione strinxerunt. Inde civilis
seditio ac parcium est facta divisio. Quibus assidue
rixantibus grande commissum est in urbe certamen. Videns
autem se pregravari undique presul nec posse sufficere, disscesit
ab urbe cum fratribus relicto patre, qui fuerat iam senex
et viribus imbecillis. Quamobrem ecclesie facultates et
multa clericorum distribuit militibus beneficia. Iterum
|
|