bannitos, in treugas cum ipso, usque ad proximum
festum resurrectionis Dominicae, contrahendas
comprehendere deberemus: causam
fingens, ut ex particularibus treugis, largior
occasio ad universales praeberetur.
Audite mirabilem calliditatis astutiam, considerate
signa prorsus a qualibet veritate remota,
dum pacem habere vobiscum se simulat, ut
Lombardos, ad tempus pro treugarum suffragio
respirantes, contra nos securius in
rebellione confirmet: utque contra nos,
ad discordiam, medio tempore venientium ad
vocationem suam subsidia Praelatorum licentius
praeparet, spem nobis concordiae pollicetur.
Et ut evidenter ad oculum videatis, quod pro
discordia potius Concilium indicat quam
pro pace, formam convocationis attendite.
In qua nihil omnino de futurae pacis tractatu
describitur: dum negatum nobis ante
Concilium, post rebelles nostros per nos aggressos
hostiliter, nititur advocare. Considerate
personas, dum spretis magnificentiae
nostrae nunciis, per quos sibi tractatum pacis
hujus frequenter obtulistis: nunc manifestos
excellentiae nostrae rebelles N. et