25

A.D. MCLXIII, in mense Ianuarii, Pisanorum legati cum consilio senatorum et civium
ad imperatorem Fredericum mense Marthi iverunt, videlicet Lanbertus Consul, Villanus Riccucci,
Boccius, Henricus Frederici, Opitho et Sigerius, legis doctores. Quos Imperator
cum gaudio recepit, et tantum honorem eis exhibuit, quan tum nemo audivit nec vidit. Qui
cum eis honorem imperii et Pisane urbis tractavit, et sicut cum legatis proximi preteriti
anni ordinaverat, et in privilegio ab Imperatore predicto Consuli, nomine civitatis, indulto
continetur, firmaverunt. Predicti itaque legati cum honore et cum vexillo, dato et largito
ab imperiali maiestate, et spade, pro investitione imperatoris Frederici habenda et retinenda
super omnes civitates Tuscie, XVI kal. Madii, Pisas redierunt.
A.D. MCLXIII, in mense Madii. Pisani Consules, pro honore imperatoris Frederici et
Imperii et Pisane urbis, galeas XL facere inceperunt, et per totum mensem Martium complete
fuere.
A.D. MCLXIII, in mense Madio. Comes Ildebrandinus iuravit fidelitatem universo
populo pisano, eundemque salvare in terra marique, et quod faciet iurare homines suos, a
XV usque in XXX, per civitates et castella et vicos sui districtus, omnia deveta et banda, que
Consules Pisanorum inposuerint aut indicent observare; et predictum populum salvare in
terra ac mare, et nullam super positam alicuius diricture super inponere. Ad quod faciendum
predictus Consul Petrus, cum Rainerio Gaetani et Guidone de Fasciano, et cum predicto
Comite, per omnes partes districtus eiusdem Comitis equitavit, et sacramenta ad honorem
Pisane urbis recepit.
A.D. MCLXIII. Predicti Consules duanam salis et ripam, et ferri venam pro libris