adoptionem, ab eo quod dixerat sanctos et
immaculatos.
9. In ipsum . Quoniam dixit: praedestinavit in
adoptionem filiorum, incertum erat cujus diceret
filios esse adoptivos, adjecit: in ipsum, hoc est in
sui ipsius, ut illius filii nuncupemur.
10. Secundum propositum . Volens ex omni parte
ista extollere quod multa digna sint gratiarum
actione, frequenter dicit per ordinationem, et bonum
placitum, et voluntatem.
11. LANFR. Divitias gratiae suae . Per quam gratiam
non solum remissio et redemptio, sed sapientia
(qua dicitur, sapitur) et prudentia morum.
12. In omni sapientia , id est, dans nobis omnem
sapientiam, in agnitione sui, et prudentiam morum
nostrorum.
13. Quod proposuit . Bonum placitum suum in
Christo Deus Pater proposuit, id est, palam mundo
ostendit, dicens: Hic est Filius meus dilectus in
quo mihi bene complacui .
14. In dispensatione plenitudinis . Vel tunc cum
disponebat omnia tempora vel in ipso milliario quo
natus est Christus, quod fuit plenitudinis, quia in
eo completa sunt promissa. Vel quia alia tempora
vacua fuerunt a salute.
15. Plenitudinis . In dispensatione, id est, in consummatione.
Exponit quid sit illud bonum placitum
Dei, videlicet impleto tempore ordinationis suae instaurare
in fidem Christi qui in coelis sunt, id est,
numerum angelorum qui diminutus erat, et quae
|
|