Stephanardus de Vicomercato: Liber de gestis in civitate Mediolani

Pag 33


Hoc caput o utinam civiles tollere clades
Dampnatum posset! tocius vulnera litis
Exciperem letus, sedarem iurgia cari
Ipse libens populi iuguli finita cruore
Devoti. Data non hec sors. Iniuria saltem
Nulla fuit. Quis sit lesus? nisi forte quod urbis
Non placuere michi cedes, nec menia condam
Libera tam multis dominis servire, carebit
Quod nunquam livore truci, qui, semina belli
Profert civilis, semper mersere potentes
Que populos: degit nam principe tuta sub uno
Urbs omnis: si forte biceps, disissa fatiscit.
Nutat in oppositos odio succensa tumultus
Civili, casum cicius tristemque minatur.
Hinc odisse feror recte patriamne? Salutem
Cuius ego totis amplector viribus exul?
Quid genus? Urbis onus nostre si forte petatur
In testem non plus ipsam delator amabit.
Non aliud mihi crimen erit nisi forte quod olim
Paruerim sedi captis ut fascibus audax
Iudicer oblatis. Veniam concedite, Patres,

Torna all'inizio