Petrus de Vinea: Epistolarum libri VI. Tomus II

Pag 174

Tomus II


quam A. Marchio de Haimburg,
comes Astuli, et magnus regni Siciliae Marescalcus,
dilectus consanguineus et familiaris
noster, nobiscum ab annis teneris tam mentis
sincerirate, quam sanguinis communione contraxit,
sibi de speciali gratia et ex certa scientia
nostra, promittimus: quod sive aliquem
consanguineum vel affinem ejus, tam ex parte
uxoris suae, quam alio quocunque modo, interdum
per culpae lubricum a fide nostri nominis
deviare contigerit, vel in laesionem honoris
nostri aliquid attentare: dictum Marchionem,
uxorem, et haeredes suos, nunquam propterea
suspectos habebimus, nec alicui volumus
poenae vel infamiae subjacere. Sed ut contraria
juxta se posita clarius elucescant, memoratum
Marchionem, consanguineorum vel affinium
suorum culpis quibuslibet nullatenus
obsistentibus, tanto reputabimus chariorem,
quanto clariorem fidem ejus laudabilium
operum experimenta sentimus ad praesens, et
sentire confidimus firmiter in futurum. Presenti
itaque nostrae Majestatis edicto, firmiter
valituro, sanximus: ut nullus sit, qui eundem
Marchionem, uxorem et haeredes suos, occasione
praedicta, contra hujusmodi gratiae nostrae
formam impetere, aut cujusquam ipsis
notam infamiae temere irrogare praesumat.
Quod qui praesumpserit, indignationem nostram
se noverit incursurum.

Torna all'inizio