Lanfrancus Ticinensis: In omnes epistulas Pauli commentarii, cum glossula interiecta

Pag 321


5. Conservo nostro . Hunc commendat sciens quoniam
utile est ut venerabilis sit discipulis magister.
6. In parte sortis sanctorum . Sors dicitur aeterna
haereditas, quia sicut illud quod forte capitur, non
meritis acquiritur; sic ea non meritis, sed Dei gratia
donatur.
7. AMBROS. In lumine , id est, per suam
cognitionem.
8. AUGUST. ( epist . 107 ad vitalem , tom. II.) Qui
eripuit nos . Potestas enim tenebrarum quid est, nisi
potestas diaboli et angelorum? qui cum fuissent angeli
lucis, in veritate per liberum arbitrium non
stantes, inde cadentes facti sunt tenebrae
9. AUGUST. (lib. XV, De Trin ., c. 19, tom. III.) Et
transtulit . Quod autem dictum est, Filii charitatis
suae , nihil aliud intelligatur quam Filii sui electi
[ al ., dilecti].
10. AMBROS. Qui est imago . In homine Christo
quasi in imagine invisibilem illam videmus naturam;
nam apparens in futuro imaginis nobis ordinem
retinebit, quoniam in eo quasi in imagine
quamdam divinam continemus naturam.
11. LANFR. Primogenitus . Per hoc probat quia
genitus est a Patre ante omnem
creaturam.
12. Primogenitus creaturae . Prior, inquit, est omnibus;
omnia enim eo sunt posteriora; nam omnia
ab eo sunt creata.

Torna all'inizio