elargitum. Amor est labilis, quem puritatis non roborat fulcimentum.
Aculeom detractoris virtutum comes aspernatur. Est amicicia
res excellens, si proveniat a virtute Accedere timens ad iudicem
videtur iusticiam non habere. Inter ceteras virtutes sibi vindicat
obediencia principatum. Modico igniculo ciner calidus excandescit.
Redditur grata interdum rusticitas probitate. Consulte agit silencium
celebrans, cui noticia deficit eloquendi. Meretrix, nisi alvus intumuerit,
penitudine non artatur Valde invenitur frigidus, qui igni
proximus non calescit. Triticum in horreum non refertur, nisi prius
fuerit in area trituratum. Vires meditare tuas, ubi te contigerit sublimari.
Virtus nichil indiget, contenta aliena nullatenus concupiscit. Ad
fedus revertitur post iacturam demencia rusticana. Fructus solet omnes
producere virulentos arbor cuius radix fuerit venenosa. In igne purgatur
aurum, sed palea convertitur in favillam. Sapiencia vincit maliciam,
licet interdum preesse videatur inprobitas probitati. Cum in humanis
actibus cum potencia concurrat pariter et voluntas, nichil bene
in actum deducitur ab invito.
Et hic, ne nimis digrediatur a tramite, liber tercius facit pausam.
|
|