Te pannosque tuos aliquo non mundificante,
Omnibus appares spurcidus atque miser.
Ve soli qui, cum cadet, adiutore carebit!
Ve soli, cui non consiliator adest!
Es simplex quia dicis equum calcaria nulla
Posse movere tuum frigiditate sua.
Assidua gutta bene scis quia petra cavatur,
Cum ferula ferula sepe rotata calet,
A ferro ferrum sibi mutuo sumit acumen:
Sic tibi iuncta tuum Polla movebit equum.
Feminea caro carne viri commixta resumit
Igniculos, quamvis mortificata tremat;
Feminee tactu carnis non dulcior ullus
Humanis rebus tactus inesse potest;
Crura, pedes quotiens secretaque gaudia tangis,
Cessat frigiditas, igne medulla calet.
Ut secum fueris congramineatus in unum,
Crede michi quia te frigora nulla prement;
|
|