CLIII.
De comminoratione.
Comminoratio est, cum sententiam in qua maior vis est
diutius agitamus, et sepius ad eandem revertimur, ut si dicam
«beati qui lugent», et hoc postea sepius repetatur, sicut
faciunt predicatores sermocinando.
CLIIII.
De contentione.
Contentio est per quam contraria referuntur, ut: «Vos
lugetis, hic autem exultat». Est alia contentio circa exornationem
verborum, de qua diximus; ut «superbis humilem,
sed humilibus exhibes te superbum».
CLV
De similitudine
Similitudo ad probationem sue cause ali quid verisimile
elicit aliunde, ut: «Corpora Gallorum habent quoddam simile
suis viribus, quod in primo impetu inhorescunt, sed ad
calorem modicum citius dissolvuntur».
CLVI.
De exemplo.
Exemplum est alicuius facti vel dicti preteriti cum certi
auctoris nomine proposito ut: «Cave ne tibi accidat sicut
Iude, qui sacramentum Dominici corporis in iudicium sibi
sumpsit».
|
|