et restauracione monasterii Capue morabatur, unde quoque ibi habitantibus
fratribus victus et vestimentorum subsidia delegavit. ibi
quoque vite sue terminum fecit. Obiit autem in pace tercio
kalendas augusti, anno Dominice incarnacionis millesimo quinquagesimo
tercio, indiccione tercia. In Casino vero Richcerio post
annos septem defuncto, Petrus ordinatur. quo post annos duos
expulso, quia nimis erat simplicissimus, Fridericus fit abbas,
qui et Stephanus papa dictus est. quo post annum mortuo,
Desiderius factus est abbas, qui fuit monachus monasterii Sancte
Sophie Beneventanus, et idem postea papa dictus est Victor.
Guaymarius princeps, et Bonifacius marchio interficiuntur
Sanctus Leo papa nonus cum Normannis dimicavit iuxta civitatem.
Post mortem domni Liutfridi abbatis supradictus Lando
iterum mercatus ecclesiam Sancti Vincencii <in Capua> a civibus
Capuanis, tenuit illam annis tribus. unde relacione facta a monachis,
excommunicatus est a sancto Leone papa. Obeunte
vero eodem pontifice, vocatus ad synodum ab eius successore
<domno> papa Stephano, <ire contempnit>. unde idem ipse, cives
Capuani cum illo pariter excommunicati sunt. coacti ergo ob hoc
|
|