super Vulturni fluminis fonte dedicati abbas, ac lamentatus conquestus
est ecclesiam ac cenobium predictum sibi commissum
iniusticiam pati ab Alberto presbitero, et monacho de cella Sancte
Marie, sita in Castanieto, ubi prefatus Albertus sibi abbatis nomen
usurpans contra equitatis iusticiam sui ordinis modum excesserat.
itaque vocatus affuit, interrogatus, iustam causam, sibi sueque presumpcioni
faventem, ostendere nequivit. denique iudicialibus
scriptis iam dictus domnus Liuhtfridus abbas ostendit, qualiter
temporibus domni Henrici secundi imperatoris, eiusdem nutui ex
eadem cella litem et omnem faccionem direpmserint, seu diffinierint
inter domnum Ylarium, eiusdem Sancti Vincencii monasterii
venerabilem abbatem, ac Magenolfum Adelferii comitis filium, ubi
evidentissime cernebatur proprietas, et iusticia Sancti Vincencii
martyris de supradicta Sancte Marie cella in Castanieto posita,
quam predicto Ylario abbati prefatus Magenolfus refutans, in perpetuum
se, suosque filios obligavit sub pena auri mancusos mille,
ut si aliquando eam retraere, vel quocumque modo alienari ab
ecclesia et monasterio iam dicti Sancti Vincencii temptaret prefatam
penam persolveret medietatem monasterio eiusdem, et medietatem
palacio nostro. igitur assidentibus pluribus proceribus tam ecclesiastici
ordinis, quam et secularis potestatis, idest domno Humberto
sancte Ecclesie Silve Candide episcopo, et domno Petro
Amalfitano archiepiscopo, nec non et domno Amalguino Cenetensis
Ecclesie episcopo et Huoldarico <t>unc noviter Beneventi
electo archiepiscopo, eciam et Frederico diacono, sancte Romane
Sedis bibliothecario, cancellario, atque Adenolfo Gaietano duce, et
Lando comite de Aquino, et Landulfo comite de Tiano, set et
Oderisio Burrelli filio, nec non et Roffrida de Guardia, et alia
|
|