CAP. I.—1. AUGUST. Promissionem vitae , hoc est:
Apostolus creatus sum, ut praedicem vitam per Christum
promissam.
2. Gratias ago . Gratias ago Deo cui servio; unde
hoc ita se habet: quoniam sine intermissione memoriam
tui habeo in orationibus. Ordo est: Gratias
ago memor lacrymarum tuarum, ut gaudio implear,
ut non causam, sed quod sequitur, significet.
3. Gratiam Dei . Divinam donationem in ordinatione
concessam.
4. LANFR. Gratiam Dei . Gratiam episcopatus admonet
eum resuscitare, ut confidentius praedicet verbum
Dei, non timens terrenas potestates, nec erubescens
se dicere discipulum crucifixi, et vincti;
aliquantisper enim timidus et negligens erat,
5. AUGUST. Sed collabora . Ut praedices virtutem
Dei, qui nos salvos fecit.
6. LANFR. Vocavit vocatione , id est, invitavit, dicens:
|
|