Sicce prepositum, virum honestum et sapientem atque
religiosum et bonis moribus valde imbutum ac Deum multum
diligentem et in omnibus timentem, tam clericis quam laicis
in ipsa ecclesia palam astantibus, in dominum et Laudensem
episcopum ac pastorem elegit.
In proximo itaque die Mercurii post pascha veniente Laudenses
abbates, prepositi, presbiteri honestique clerici multi,
consules et Laudenses multique etiam iudices et alii sapientes
de Laude Pergamum, ubi iam dictus electus tunc
aderat, communiter ivere; atque in sequenti proximo die
Iovis episcopum electum Laude conduxere. Qui cum tanto
gaudio et alacritate a clericis et laicis tam maioribus quam
minoribus honorifice susceptus est, quod nunquam vidi nec
etiam audivi aliquem electum in sua civitate maiori tanto
gaudio nunquam susceptum fuisse. Deo gratias. Amen.
|
1
5
10
15
|