DE CONFESSIONE DOTIS ET DONATIONIS FACTE A
PATRE ET FILIO.
Iacobus filius Petri et Petrus filius eius, paterno consensu
et parabola, vel emancipatus, ut asserebant ad
cautelam, patris consensu et parabola, ambo et quilibet
in solidum obligando se et suos heredes et bona ad hec
omnia et singula infrascripta sic observanda, hoc publico
instrumento, die presenti, fuerunt confessi in veritate,
et non spe future numerationis, in dotem et dotis
nomine recepisse et habuisse a tali muliere filia, vel
nepte, vel sorore talis, vel filia quondam I., et sorore,
nepte vel mundualda talis, sponsa et uxore futura dicti
P., quam in uxorem legiptimam die presenti accepit,
ab ea et pro ea libras tot et cetera; unde fecerunt ei
donationem librarum tot et cetera, et promiserunt et
fecerunt, et se in solidum obligaverunt ut supra, et renumtiaverunt
exceptioni non numerate dotis, et beneficio
nove seu novarum constitutionum, et epistule divi
Adriani et omni alii.
DE DONATIONE QUARTE PARTIS BONORUM VIRI ET
CONFESSIONE DOTIS.
Dilectionis et affectionis intuitu, talis filius I., hoc
donationis propter numptias instrumento, presenti die
donavit, dedit, tradidit et concessit tali sponse et uxori
sue future, vel tali pro ea recipienti, et eius heredibus
integre, videlicet: quartam partem pro indiviso omnium
rerum et bonorum suorum que nunc habet, tenet
ac possidet ipse vel alter pro eo, aut de cetero est habiturus,
|
|