3. Surrexit, ecce, dominus ab inferis,
deuicta morte cum tryumpho rediit
uictor iniquum spoliauit tartarum,
claustra geenne fregit et cyrografum
mortis cruore diluit rosifluo.
4. Sol, scema mundi, decus caeli rutilum,
delusit omne seculum meridie,
texit globorum lampades nigredine,
celum tabescit, tetra nocte territus,
languit orbis obsitus caligine.
5. Expauit arua, tremuerunt maria,
uelum rescissum templi mox per medium,
fisse deinde patuerunt silices,
multa piorum corpora surrexerant
de monumentis, dudum qui dormierant.
6. Vt uidit anguis immolatum uespere
corporis almi sanctum sacrificium,
quod mane celum repleuit odoribus,
dolore multo saucius increpuit
perculsus agni mansueti uulnere.
7. Vidit in ara sacram crucis hostiam,
sanguinis undam, laticem de latere
sancto fluentem, saeculi qui crimina
abluit, alta paradysi gaudia
data latroni, fractus colla sibila.
|
|