… episcopo Aquinati Nicolaus de Rocca.
Quantumlibet hactenus conscientiam meam sepe temptaverim, ut
absentem patrem litterarum experimento requirerem, quem semper ex
animo figuro presentem, sic temptantis impulsibus accidens semper temporale
vim intulit, sic semper compescui voluntatem, quod elegi reverentiam
omnem commendare silentio, quam litteralibus aperire misteriis
dubium forsitan censebatur. Nunc autem nebulosi tantisper aeris intemperie
mitigata, scribo iam vobis tamquam illi cui amoris odore preteriti
dilectionem sinceram et future prelationis officio reverentiam debeo filialem.
Nec expediebat ad vestra servicia, quas grata cordis et manuum
affectione recepi, sollicitare me litteris, qui sine quorumlibet adiectione
calcarium ad omnes profectus vestros curro reverenter iniussus. Noveritis
|
|