suprascriptis casalibus in hoc monasterio fecerat, ad prędictum
pontificem venit, et dans cartam in manibus eius, de hac re fortiter
reclamavit. qua perlecta et veritate cognita, laudavit eam,
displicuitque illi quod frater eius fecerat in iuste de rebus ipsis.
qua de causa illum ad se venire fecit, et corripiens eum, rogare
cepit ut ab ipsa iniustitia recederet, et monasterium quiete ipsas
res tenere sineret. quo audito domnus Romanus et cognita veritate,
obędivit iussioni domni pontificis et sua sponte coram multis
refutavit ipsas res in integrum.
Item, domnus Hugo abbas fecit convenientiam pactuationis
cum presbyteris Sancti Eustathii, iubente domno Crescentio prefecto
Urbis, et commutavit eis terram in qua sunt parietini destructi
cum medietate oratorii Sancti Symeonis, et recepit ab eis
curtem et domum cum puteo aquę vivę, ct maiori cripta post
eam sinino opere coopertam, sicut a pariete antiquo circumdata
videbatur. Hęc omnia fuerunt hęredum Aldonis.
Cum vero in iudicio resideret domnus marchio Rainerius dux
in turri de Corgnito, venit domnus Hugo abbas et coram omnibus
ostendit atque legit cartas quas Hugo filius Teuzonis et Seria et
Berta filię eius fecerunt in Sancta Maria de Minione, iuris huius
monasterii, de ęcclesia Sancti Peregrini et Sancti Anastasii cum
omnibus pertinentiis et de ipso saline. et audiens Astaldus
filius Hugonis, qui ibi astabat, respondit: « Cartulę istę bonę sunt
et legibus factę, et ipsę res et ęcclesię quę ibi leguntur nichil
michi pertinent ». et iudicaverunt iudices ut deinceps pręfatus
Astaldus et eius hęredes taciti essent de ipsis rebus sive ęcclesiis
et supradictum monasterium Sanctę Marię eas possideret in proprium.
tunc domnus Rainerius marchio et dux exinde misit
bannum domni imperatoris, ut si quis monasterium hoc de eis
disvestire pręsumpserit, duorum milium mancusos aureorum compositor
existat, medietatem camerę imperatoris et medietatem huic
monasterio . item, Azo filius Ramponis dedit in hoc monasterio
res suas territorii Sabinensis, ubi dicitur Lanianus, modii .I.
|
|